ԱՄՆ-ում աճուրդով վաճառվել է Playboy-ի հիմնադիր Հյու Հեֆերնի անձնական իրերի հավաքածուն
Ամերիկյան Playboy ամսագրի հիմնադիր Հյու Հեֆերնի անձնական իրերը, այդ թվում և ամսագրի առաջին համարի օրինակը՝ շապիկին Մերիլին Մոնրոյի լուսանկարով, վաճառվել են Լոս Անջելեսում կայացած Julien's Auction աճուրդում:
Ինչպես հայտնում է РИА Новости-ն, աճուրդն անցկացվել է նոյեմբերի 30-ից դեկտեմբերի 1-ը: Ամսագրի առաջին համարը վաճառվել է 31 200 դոլարով: 162 500 դոլարով էլ վաճառվել է Հեֆերնի տպագրական մեքենան:
Նշվում է, որ վաճառքից ստացված բոլոր միջոցները կուղղվեն Հյու Հեֆերնի հիմնադրամին, որն աջակցում է քաղաքացիական իրավունքները պաշտպանող կազմակերպություններին:
Վաճառված իրերի թվում է նրա աստղը Փառքի ծառուղում, որը գնահատվել է 57 600 դոլար, 1988-ի արտադրության Lincoln Town Car լիմուզինը, որը վաճառվել է 44 800 դոլարով, Հեֆերնի անձնագիրը՝ 16 000 դոլարով և նրա կոստյումներից մի քանիսը՝ 12-38 հազար դոլարով: