Նեպալում դպրոցականներով լի ավտոբուսը գլորվել է կիրճը. կա 16 զոհ
Նեպալի Դանգ շրջանում մարդատար ավտոբուսն ընկել է կիրճը, ինչի հետևանքով առնվազն 16 մարդ զոհվել է, 12-ը՝ վիրավորվել: Այս մասին հաղորդում է Himalayan Times-ը:
Պարբերականի տվյալներով՝ ավտոբուսը կիրճն է գլորվել շուրջ 400 մետր բարձրությունից: Վթարի ենթարկված ավտոբուսում աշակերտներ էին ու ուսուցիչներ, որոնք վերադառնում էին բուսաբանական այգուց:
Նշվում է, որ փրկարարներին հաջողվել է փրկել 12 մարդու: Բոլոր տուժածները հոսպիտալացվել են: