Թրամփը «բթամտություն» է անվանել դեմոկրատների՝ Մեքսիկայի հետ սահմանին պատ կառուցել չկամենալը
ԱՄՆ նախագահ Դոնալդ Թրամփը հայտարարել է, որ դեմոկրատական կուսակցության անդամների՝ Մեքսիկայի հետ սահմանին պատի կառուցմանն աջակցել չցանկանալը խոսում է միայն նրանց մոտ քաղաքական ծրագրերի բացակայության մասին:
Իր թվիթերյան էջում արած գրառման մեջ նախագահն ընդգծել է, որ պատի կառուցմանը կողմ են սահմանային ծառայության աշխատակիցները: Թրամփի կարծիքով՝ դեմոկրատները պատի կառուցման իր ծրագրերը քննադատելուց բացի որևէ այլ զբաղմունք չունեն և նրանց քաղաքական քարոզարշավը միայն իրեն քննադատելն է:
«Բաց հարավային սահման և մեծ թվով հանցագործներ, որոնք գալիս են այդ բթամտության (դեմոկրատների՝ պատ կուռուցել չցանկանալը – Tert.am) պատճառով», - գրել է Թրամփը: