Բրազիլիայի նախագահի երդմնակալության արարողության ժամանակ ամերիկյան պատվիրակությունը կգլխավորի պետքարտուղար Պոմպեոն
ԱՄՆ պետքարտուղար Մայք Պոմպեոն դեկտեմբերի 31-ից հունվարի 2-ն ընկած ժամանակահատվածում կայցելի Բրազիլիա և Կոլումբիա: Այս մասին գրում է է РИА Новости-ն՝ ԱՄՆ Պետդեպին հղումով:
Հաղորդվում է, որ Բրազիլիայում նա ներկա կգտնվի երկրի նորընտրի նախագահ Ժաիր Բոլոնարուի երդմնակալության արարողությանը նվիրված միջոցառումներին՝ ղեկավարելով ամերիկյան պատվիրակությունը: «Դեկտեմբերի 31-ից հունվարի 2-ը պետքարտուղար Պոմպեոն կղեկավարի (ԱՄՆ) պատվիրակությունը Բրազիլիայի նորընտիր նախագահ Ժաիր Բոլսենարուի երդմնակալության արարողության ժամանակ», - ասվում է Պետդեպի հաղորդագրության մեջ:
Նշվում է, որ այցի շրջանակներում Պոմպեոն նաև հանդիպումներ կունենա բրազիլացի բարձրաստիճան պայտոնյաների հետ, այդ թվում նաև նորընտիր նախագահի:
Հիշեցնենք, որ պահպանողական Սոցիալ-լիբերալ կուսակցության ներկայացուցիչ Ժաիր Բոլսոնարուն Բրազիլիայի նախագահի պաշտոնը կստանձնի 2019 թվականի հունվարի 1-ից: Բրազիլիայում նախագահական ընտրություններն անցկացվել են ընթացիկ տարվա հոկտեմբերին: