Ալթայի երկրամասում խոշոր վթար է տեղի ունեցել. կան տուժածներ
Ռուսաստանի Դաշնության Ալթայի երկրամասում`Զոնալնոեի շրջանում, լույս ուրբաթ գիշերը երկու մեքենայի բախման հետևանքով 10 մարդ է տուժել, այդ թվում՝ 8 երեխա: Այս մասին РИА Новости-ին հայտնել է շրջանի կառավարության ներկայացուցիչը:
Նրա խոսքով՝ տեղական ժամանակով ժամը 00:30-ին (Երևանյան ժամանակով ժամը 21:30-ին) Զոնալնոեի շրջանում խոշոր վթար է տեղի ունեցել, որի ժամանակ թեթև մարդատար մեքենան բախվել է «Газель» մակնիշի ավտոմեքենային:
«Ընդհանուր առմամբ՝ մեքենաներում գտնվել է 11 մարդ: Վթար հետևանքով տուժել է 10 մարդ, որոնցից 8-ը՝ երեխաներ: Զոհեր չկան», - հայտնել է գերատեսչության ներկայացուցիչը:
«Վեց մարդ, այդ թվում՝ հինգ երեխա, հոսպիտալացվել են միջին ծանրության վնասվածքներով: Տուժածներից չորսը ոչ լուրջ վնասվածքներ են ստացել և հոսպիտալացման անհրաժեշտություն չի եղել, սակայն նրանք դեռ կմնան հիվանդանոցում, մինչ նրանց տուն տանեն հարազատները», - հայտնել են առողջապահության նախարարությունից: