Հարավաֆրիկյան Հանրապետության լեռներում զբոսաշրջիկը ողջ է մնացել 20 մ բարձրությունից ընկնելուց հետո
Հարավաֆրիկյան Հանրապետությունում զբոսաշրջիկը ողջ է մնացել Սեղանաձև լեռան շրջանում 20 մետր բարձրությունից ընկնելուց հետո, փրկարարական գործողությունը տևել է 13 ժամ՝ մթության պայմաններում, գրում է IOL-ը:
Զբոսաշրջիկի որոնումները սկսվել են տեղի բնակչի զանգից հետո, որը լսել է, թե ինչպես է ինչ-որ մեկն օգնության կանչում Քամփս Բեյ արվարձանում իրենց տնից ոչ հեռու, որտեղ Քեյփթաունը սահմանակցում է «Սեղանաձև լեռ» ազգային պարկի հետ:
Մթությունն ու ուժգին քամին թույլ չեն տվել փրկարարական գործողության համար ուղղաթիռ օգտագործել:
Փրկարար ծառայության աշխատակիցները նշել են, որ զբոսաշրջիկն իսկապես բախտավոր աստղի տակ է ծնվել, քանի որ 20 մետր ընկնելուց հետո «վայրէջք է կատարել» երկտեղանոց մահճակալի չափ ժայռաբեկորի վրա, որի տակ ևս 80 մետրանոց անդունդ է եղել:
Լեռնագնացները ստիպված են եղել մթության մեջ հաղթահարել վտանգավոր հատվածը՝ ճանապարհորդին հասնելու համար: Տուծաժն Իսլանդիայից 32-ամյա զբոսաշրջիկ է եղել: Նա կարողացել է իր մոտ եղած հեռախոսով նրանց ճիշտ բացատրել իր գտնվելու վայրը: Ավելի ուշ, երբ ավելի է մթնել, նրա գտնվելու հստակ վայրը հնարավոր է դարձել պարզել բջջային հեռախոսի լույսով:
Փրկարարները ճոպանների օգնությամբ զբոսաշրջիկին իջեցրել են ներքևում սպասող մեքենաների մոտ: