Սաակաշվիլին Պուտինին նմանեցրել է «կատվի, որը խաղում է մկան հետ»
Վրաստանի նախկին նախագահ Միխեիլ Սաակաշվիլին մեկնաբանել է Ռուսաստանի Դաշնության նախագահ Վլադիմիր Պուտինի` Վրաստանի նկատմամբ պատժամիջոցների սահմանմանը դեմ արտահայտվելուն: Այս մասին հայտնում է Gazeta.ru-ն:
«Պուտինը «կատու է, որը խաղում է մկան հետ»: Այսպիսի իրավիճակում է գտնվում մեր երկիրը»,- ասել է Սաակաշվիլին և հավելել, որ Վրաստանում իրավիճակը կփոխվի միայն կառավարության փոփոխությամբ:
Հիշեցնենք, որ կիրակի երեկոյան «Ռուսթավի 2» հեռուստաալիքի հեռուստահաղորդավար Գեորգի Գաբունիան իր «P.S.» հեղինակային ծրագիրն սկսել էր ՌԴ նախագահի հասցեին հայհոյանքներ տեղալով: Բազմաթիվ մարդիկ մտավախություն էին հայտնել, որ վրաց-ռուսական հարաբերություններն այդ երևույթից հետո կարող են է՛լ ավելի սրվել:
Ավելի ուշ Պուտինը դեմ էր արտահայտվել Վրաստանի նկատմամբ պատժամիջոցների սահմանմանը` նշելով, որ նման բան չի անի հենց վրաց ժողովրդի հանդեպ հարգանքից ելնելով: