Արթուր Ոսկանյան. «Արդեն կարողանում ենք Իսպանիայի պես թիմին գոլ խփել ու պայքարել»
Հայաստանի մինչև 19 տարեկանների հավաքականի գլխավոր մարզիչ Արթուր Ոսկանյանն Իսպանիայի ընտրանու դեմ հանդիպումից (1:4) հետո մեկնաբանեց իր թիմի ու մրցակցի խաղը: Խաղի մասին «Մենք պարտվեցինք մեկը մեկի դեմ մենապայքարներում: Գոնե դա տղաները պետք է չզիջեին, որ ժամանակ շահեինք և երկրորդ ֆուտբոլիստն ավելանար եզրում: Գիտեինք, որ մրցակիցը եզրերում շատ արագ է, չպետք է նրանց ազատություն տայինք: Միգուցե, չափազանց մեծ …
The post Արթուր Ոսկանյան. «Արդեն կարողանում ենք Իսպանիայի պես թիմին գոլ խփել ու պայքարել» appeared first on ԳԱԼԱ.
Հայաստանի մինչև 19 տարեկանների հավաքականի գլխավոր մարզիչ Արթուր Ոսկանյանն Իսպանիայի ընտրանու դեմ հանդիպումից (1:4) հետո մեկնաբանեց իր թիմի ու մրցակցի խաղը:
Խաղի մասին
«Մենք պարտվեցինք մեկը մեկի դեմ մենապայքարներում: Գոնե դա տղաները պետք է չզիջեին, որ ժամանակ շահեինք և երկրորդ ֆուտբոլիստն ավելանար եզրում: Գիտեինք, որ մրցակիցը եզրերում շատ արագ է, չպետք է նրանց ազատություն տայինք: Միգուցե, չափազանց մեծ ցանկությունը խանգարեց, որովհետև նետվում էին մրցակցի վրա և դրանից սկսում էր իսպանացիների գրոհները»:
Իսպանիայի համար հաղթական դարձած գոլի դրվագի մասին
«Անկյունայինի ժամանակ տվյալ գոտիում պետք է ֆուտբոլիստ կանգնած լիներ: Մենք երեք գոտիներ ծրագրել էինք վերահսկել, սակայն դրանցից մեկից գոլ բաց թողեցինք, երբ մեր ֆուտբոլիստն այդտեղ կանգնած չէր: Դա անուշադրության պատճառով էր: Մենք անընդհատ շեշտում ենք, որ նման հանդիպումներում մեկ վայրկյան անուշադիր լինելու դեպքում մրցակիցը կպատժի»:
Խաղից առաջ խոստացել էր, որ թիմը փորձելու վերահսկել գնդակը, բայց դա չտեսանք…
«Առաջին հերթին պատճառն այն է, որ կիսապաշտպաները չկարողացան խաղն իրենց վրա վերցնել: Հենց սկզբից նրանք շատ շուտ էին գնդակը կորցնում: Երբ կիսապաշտպանները վստահ էին ընդունում գնդակը, այն հաջողվում էր պահել և գրոհ զարգացնել: Գնդակի կորուստներն էին պատճառը, որ սկսեցինք երկրորդ համարով ու երկար փոխանցումներով գործել»:
Հավաքականի առաջադիմումը նախորդ տարվա համեմատ
«Սա մեր առավելագույն կարողությունները չեն: Տղաներն արդեն կարողանում են գրոհներ կազմակերպել: Իսպանիան հզոր թիմ է: Ոչ մի այլ թիմ գնդակն այսքան արագ չի տեղաշարժում: Մեր թիմին փորձն ու վստահությունը չբավարարեց: Ինչ էլ անենք, չենք կարող նրանց այդ փորձն ու վստահությունը տալ: Դա գալիս է ժամանակի հետ՝ բարձր մակարդակի խաղերում: Անցած տարվա համեմատ թիմը քայլ արել է: Արդեն պայքարում ու Իսպանիայի պես թիմին գոլ ենք խփում»:
Արմեն Հովհաննիսյանին եզրում օգտագործելու պատճառները
«Արմենի հետ զրուցել եմ, նա երբեմն իր ակումբում էլ է եզրում խաղում: Աջ եզրում նրան փորձարկեցինք, չարդարացրեց, բայց «Լոռիի» դեմ ձախից խաղաց և լավ ստացվեց: Մրցակիցն ուժեղ է. Արմենին չէր թողնում գնդակ ընդունել: Մենք ուզում ենք մեր հարձակվողներից Արմենն ու Գերման Կուրբաշյանը միաժամանակ խաղադաշտում լինեն, որովհետև ֆիզիկապես ուժեղ են: Գերմանը կարողանում է հարձակման գծում ավելի լավ գնդակ պահել, իսկ Արմենը լավ է աշխատում: Դրա համար, նա եզրից էր գործում: Ընդմիջման ժամանակ նա ասաց՝ այդքան էլ լավ չի զգում, այդ պատճառով երկրորդ կեսում նրան փոխարինեցինք: Գրենիկն էլ այդ դիրքում շատ լավ մտավ փոխարինման: Նա Հովհաննիսյանի հետ միմյանց լավ են փոխարինում»:
Մրցաշարի գլխավոր ֆավորիտը
«Վիճակահանությունից առաջ էլ ասում էի, որ բոլոր թիմերին ուսումնասիրել եմ և գլխավոր ֆավորիտ եմ համարում Իսպանիային: Կարծիքս չի փոխվել: Ամենաարագ թիմն է ու կոմբինացիոն ֆուտբոլ է խաղում»:
The post Արթուր Ոսկանյան. «Արդեն կարողանում ենք Իսպանիայի պես թիմին գոլ խփել ու պայքարել» appeared first on ԳԱԼԱ.