Ալժիրցի երկրպագուներն իրենց հավաքականի հաթանակից հետո վնասել են Շառլ դը Գոլի արձանը
Ալժիրցի երկրպագուները վնասել են Ֆրանսիայի առաջին նախագահ Շարլ դե Գոլի քանդակը: Ինչպես հայտնում է Gazeta.ru-ն՝ հղում անելով ֆրանսիական ռադիոյին, երկրպագուները պոկել են բրոնզե արձանի կոշիկների մի մասը:
Նշվում է, որ քանդակը Էվրե քաղաքում տեղադրվել էր հուլիսի 18-ին: «Ինչպես և բոլոր բնակիչները, ես նույնպես ցնցված եմ: Բացի նրանից, որ քանդակը ցած են գցել, դա խորհրդանշական ենթատեքստ է պարունակում: Հենց գեներալ դը Գոլն էր հռչակել Ալժիրի անկախությունը: Շատ ցավալի է, որ այդ կարգազանցները պատմություն չգիտեն»,- ասել է Էվրեի քաղաքապետ Գի Լեֆրանը:
Կատարվածի առնչությամբ հետաքննություն է իրականացվում:
Ալժիրի ֆուտբոլի ազգային հավաքականը 1:0 հաշվով հաղթանակ է տարել Սենեգալի հավաքականի նկատմամբ Աֆրիկյան ազգերի գավաթի եզրափակչում: Հաղթանակը երկրպագուները տոնելու համար դուրս են եկել ֆրանսիական քաղաքների փողոցներ: