Մենք ենք հեղափոխություն արել, իրեն ընտրել վարչապետ, մենք էլ ասում ենք՝ Ամուլսարի չի բացվելու. Ջերմուկի բնակիչ (տեսանյութ)
Մենք՝ Ջերմուկի բնակիչներս չենք թողնելու, կառավարությունը ոնց ուզում է, թող որոշի, թող գա, մեզ հետ ապրի, մեզ հետ շնչի այդ փոշին, տեսնի վնասները, տեսնեմ՝ դրանից հետո ինքը կուզի մեզ հետ այստեղ ապրել, թե չէ:
Tert.am-ի հետ զրույցում Ամուլսարի հանքի շահագործման վերաբերյալ ասաց Ջերմուկի բնակիչներից մեկը: «Չպիտի բացվի, 3000 ստորագրություն է եղել, ժողովուրդը որոշել է, որ չպիտի բացվի, Նիկոլն էլ ասեց, որ ոնց ժողովուրդը որոշի, այդպես է լինելու»,-նշեց նա:
Բնակիչը հիշեցրեց վարչապետի՝ ուղիղ եթերում հնչեցրած խոսքերը, որ եթե վնաս տա, չի բացվելու: «Մենք էլ պիտի՞ հիվանդ լինենք, մեր երեխեքն է՞լ: Եթե վարչապետն ամեն ինչը մի կողմ դրած ասում է, որ պիտի բացվի, մենք էլ ասում ենք՝ չպիտի բացվի, մենք ենք իրեն ընտրել, մենք ենք հեղափոխություն արել, եթե արհամարհած ունի 3000 հոգու, մենք ոչ մեկս չենք ուզում, որ բացվի, եթե դա եղավ, տուրիստը չի գալու, իսկ մեզ մոտ ամեն ինչ տուրիստի հաշվին է: