Քենիայի արգելոցում լուսանկարիչը ֆիքսել է ընձառյուծների «ակրոբատիկ հնարքները» (լուսանկարներ)
Քենիայի արգելոցում 61-ամյա ամերիկացի լուսանկարիչ Տրիշ Հեննեսին կարողացել է ֆիքսել երկու ընձառյուծի «ակրոբատիկ հնարքները», գրում է Daily Mail-ը:
Էպիկական լուսանկարներում ընձառյուծները, որոնք եղբայրներ են, ցատկում են միմյանց վրայով, ակրոբատիկ հնարքներ անում՝ խաղալով միմյանց հետ:
Լուսանկարչի խոսքով՝ ընձառյուծներին ֆիքսել է դեռևս հունիսին՝ Քենիայի Սամբուրու Ազգային արգելոց այցելության առաջին օրը:
Նրա խոսքով՝ սկզբում կենդանիներն իրեն աննշմարելի վայրում՝ թփուտների մեջ են թաքնված եղել, բայց քիչ հետո դուրս են ցատկել, բարձրացել են ժայռի գագաթին և իսկական «շոու» են կազմակերպել իր համար:
«Առաջին լուսանկարներն անելուց հետո, հուզմունքից լաց եղա: Դա իսկական պարգև էր ինձ համար»,- հայտնել է լուսանկարիչը և հավելել, որ այդ լուսանկարներն իր աշխատանքների մեջ ամենասիրելին են:
_3.png?1566669471105)
