«Հայաստանի Հանրապետություն». Ընտրությունների հետ կապված հնարավոր ռիսկերը չեզոքացնելու բազմաթիվ առաջարկներ են արվել և բոլորը պետք է քննարկենք. Սերգեյ Բագրատյան
«ԱԺ «Բարգավաճ Հայաստան» խմբակցության համար ընդունելի է Ընտրական օրենսգրքում և «Կուսակցությունների մասին» ՀՀ օրենքում փոփոխություններ կատարելու ընտրված ձևաչափը, այն է՝ ըստ առաջնահերթության, հատվածաբար և հերթականությամբ։
Խմբակցությունը հանդես է եկել բազմաթիվ առաջարկներով, ինչպես օրինակ՝ համամասնական ընտրական համակարգ, զինվորների քվեարկության գաղտնիությունն ապահովող մեխանիզմների ներդրում, որպեսզի հրամանատարները 50 մ-ից ավելի չկարողանան մոտենալ ընտրամասին։
Վերահսկողության հետ կապված առաջնահերթ են համարում բոլոր ընտրամասերում տեսախցիկների առկայությունը և այլն։ «Հնարավոր ռիսկերը չեզոքացնելու բազմաթիվ առաջարկներ ենք արել և բոլորը պետք է քննարկենք»,- ասաց նա։
Բագրատյանի խոսքով, արտախորհրդարանական քաղաքական ուժերի հետ աշխատանքն արդյունավետ կազմակերպելու համար անհրաժեշտ է նախագծերն ուղարկել բոլոր արտախորհրդարանական ուժերին՝ ակնկալելով նրանց առաջարկությունները»»,-գրում է թերթը:
Նյութն ամբողջությամբ կարդացեք թերթի այսօրվա համարում: