Նոր մանրամասներ՝ Գյումրիի թիվ 15 դպրոցում ռումբի տեղադրման ահազանգի փաստով. Shamshyan.com
Shamshyan.com-ի տեղեկություններով՝ հոկտեմբերի 9-ին ոստիկանության ծառայողները հսկայածավալ օպերատիվ-հետախուզական միջոցառումներi շնորհիվ պարզել են` ով և որ հեռախոսից է զանգել ոստիկանության Երևան քաղաքի վարչության օպերատիվ կառավարման կենտրոն և հայտնել, որ Գյումրի քաղաքի Քութաիսյան փողոցի թիվ 15 դպրոցում ռումբ է տեղադրված։
Աղբյուրի փոխանցմամբ՝ իրավապահների համատեղ գործողությունների արդյունքում պարզվել է կատարողների ինքնությունը։ Նրանք են՝ նշված դպրոցի սաներ Ս. Ն-ն, Ն. Ղ-ն և Գ. Բ-ն, որոնք ներկայացվել են ոստիկանություն, որտեղ էլ հայտնել են, որ դասապրոցեսները ընդհատելու նպատակով դպրոցի առաջին հարկից Գ. Բ-ն վերցրել է Ն. Ղ-ին պատկանող բջջային հեռախոսը և զանգահարել 1-02 ու հայտնել, որ դպրոցում ռումբ է տեղադրվել։ Երեխաները հանձնվել են ծնողներին, փաստի առթիվ էլ ոստիկանության Մուշի բաժնի հետաքննչական բաժանմունքոմ նյութեր են նախապատրասվում։
Ավելի վաղ աղբյուրը հայտնել էր, որ հոկտեմբերի 9-ին ահազանգ էր ստացվել ոստիկանության Շիրակի մարզային վարչություն, որ Գյումրի քաղաքի թիվ 15 դպրոցում ռումբ է տեղադրված: Դպրոցի 250 աշակերտներն ու ուսուցչական ողջ կոլեկտիվը տարհանվել էին: