Վրաստանի իշխանութունն ու ընդդիմությունը չեն կարողացել համաձայնության գալ ընտրական համակարգի բարեփոխումների հարցի շուրջ
Վրաստանի իշխանությունների ներկայացուցիչների և ընդդիմադիր առաջնորդների բանակցությունները 2020-ին խորհրդարանական ընտրություններ անցկացնելու հարցի շուրջ անարդյունք են ավարտվել: ТАСС գործակալության փոխանցմամբ՝ այս մասին լրագրողներին հայտնել է Վրաստանի փոխվարչապետ, արդարադատության նախարար Թեա Ցուլուկիանին:
«Ընդդիմությունը մեզ առաջարկում է այսպես կոչված՝ ընտրությունների գերմանական մոդելը: Հանդիպման ժամանակ մենք քննարկել ենք նրանց առաջարկը ինչպես իրավական, այնպես էլ քաղաքաքական տեսանկյունից: Մենք նույն դիրքորոշմանն ենք մնացել և կարծում ենք, որ այդ մոդելը ոչ սահմանադրական է, և այս հարցով հետագա բանավեճերի անցկացումն արդեն անհնար է»,- ասել է նախարարը:
Վերջինս հավելել է, որ իշխանությունները պատրաստ են հանդիպել ընդդիմության հետ և քննարկել ընտրություններին վերաբերող նոր նախաձեռնություններ, եթե այդպիսիք լինեն:
«Միասնական ազգային շարժում» ընդդիմադիր կուսակցության նախագահ, ԱԳ նախկին նախարար Գրիգոլ Վաշաձեն հայտարարել է, որ ընդդիմությունը պատրաստ է շարունակել երկկոսությունը: