Շոտլանդիայի ափերին հայտնված հսկայական կետը սատկել է
Ատլանտյան Օվկիանոսում գտնվող Հեբրիդյան կղզիներից մեկի ափին հսկայական կետ է հայտնվել, որը ջրից դուրս մնալով սատկել է:
Ինչպես տեղեկացնում է Daily Mail-ը, խոսքը 14 մետր երկարություն ունեցող կաշալոտի մասին է, որը շոտլանդական տարածքի լողափում է հայտնվել երկու օր առաջ: Այն դեռ ողջ է եղել ափ նետվելուց հետո, երբ կետին հայտնաբերել են, սակայն կարճ ժամանակ անց սատկել է:
Լուսանկարիչ Մելվին Նիքլսոնը, որը լողափում է եղել նշել է, որ ինքը կենդանուն ողջ է տեսել առավոտյան, սակայն երբ կրկին ափ է եկել մեկ ու կես ժամ հետո, այն արդեն անկենդան էր:
Աղբյուրը նշում է, որ ողջ աշխարհում բնակվող կետերի ու դելֆինների տեսակների մեկ չորրորդը լողում է Շոտլանդիայի ափամերձ հատվածներում և հաճախակի անցնում է այդ տարածքներով, ինչը հնարավորություն է ընձեռում նավով շրջագայողներին տեսնել ծովային արարածներին: