Հենրի Սարդարյանը Ռուսաստանում քաղաքական գիտությունների դոկտոր է դարձել
Միջազգային հարաբերությունների Մոսկվայի պետական ինստիտուտի Կառավարման և քաղաքականության ֆակուլտետի դեկան Հենրի Սարդարյանը քաղաքական գիտությունների դոկտոր է դարձել՝ բարձր աստիճանն ստանալով Մոսկվայի Լոմոնոսովի անվան պետական համալսարանի ռեկտորի ձեռքից:
«4 ամիս առաջ՝ սեպտեմբերի 24-ին Լոմոնոսովի անվան պետական համալսարանում կայացել է կյանքիս կարևորագույն իրադարձություններից մեկը՝ դոկտորական աստիճանի պաշտպանությունը: Այսօր համալսարանի գիտխորհրդի նիստում ես ստացել եմ քաղաքական գիտությունների դոկտորի դիպլոմը համալսարանի ռեկտորի ձեռքից»,- rusarminfo-ի փոխանցմամբ՝ հայտնել է Սարդարյանը:
Սարդարյանը դոկտորական թեզը պաշտպանել է «Հանրապետականության ձևավորման և զարգացման արևմտաքրիստոնեական գաղափարատեսական հիմքերը» թեմայով:
Հենրի Սարդարյանը ծնվել է 1989 սեպտեմբերի 29-ին: 15 տարեկանում ընդունվել է Միջազգային հարաբերությունների Մոսկվայի պետական համալսարանի Կառավարման միջազգային իսնտիտուտի ֆակուլտետը: