Բրազիլիայի կառավարությունը հայտնել է կորոնավիրուսի հնարավոր վարակման դեպքի մասին
Բրազիլիայի կառավարությունը հայտարարել է, որ երկրում գրանցվել է կորոնավիրուսի հնարավոր վարակման դեպք: 35-ամյա կինը մի քանի օր առաջ է վերադարձել Շանհայից: Այս մասին հայտնում է РИА Новости-ն` հղում անելով Մինաս-Ժերայս նահանգի առողջապահության նախարարությանը:
«Հունվարի 21-ին հիվանդանոց է տեղափոխվել Բրազիլիայի քաղաքացին, որը նոր է վերադարձել Չինաստանից: 35-ամյա կնոջ մոտ առկա է սուր ինֆեկցիոն շնչառական հիվանդություն, ինչը կասկածելի է»,- գրված է հայտարարությունում:
Նորագույն անհայտ տեսակի վիրուսով, որն առաջին անգամ ի հայտ է եկել դեկտեմբերին Չինաստանի Հեբեյ Ուհան քաղաքում, արդեն 455-ից ավելի մարդ է վարակվել: 17 մարդ մահացել է: Ավելի վաղ հաստատվել է, որ հիվանդությունը փոխանցվում է մարդուց մարդուն: