Հանրաքվե անցկացնելու վերաբերյալ նախագահի որոշումը հանցանքի մասին ինքնախոստովանական ցուցմունք է և, վստահաբար, շատ արագ գալու է պատասխան տալու ժամանակը. Կարեն Բեքարյան
Վերլուծաբան Կարեն Բերքարյանը գրառում է կատարել ֆեյսբուքյան էջում` անդրադառնալով Սահմանադրության փոփոխությունների վերաբերյալ ՀՀ նախագահ Արմեն Սարգսյանի կողմից ապրիլի 5-ին հանրաքվե անցկացնելու փաստաթղթի ստորագրմանը: Բեքարյանը գրել է, որ այդ օրը հանրությունը հնարավորություն է ստանալու իր քվեով կամ արհամարանքով ցույց տալու անվստահությունն ու մերժումը՝ ատելության ապաշնորհ կուսակցությանը և անձամբ վարչապետին:
«Ողջունում եմ իրեն երկրի նախագահ համարող անձի որոշումը հանրաքվե անցկացնելու վերաբերյալ, հետևյալ պատճառներով.
1. ըստ էության, այս որոշումը հանցանքի մասին ինքնախոստովանական ցուցմունք է, և վստահաբար՝ շատ արագ գալու է պատասխան տալու ժամանակը,
2. ապրիլի 5-ին մեր հանրությունը հնարավորություն է ստանալու իր քվեով և /կամ/ արհամարանքով ցույց տալու անվստահությունն ու մերժումը՝ ատելության ապաշնորհ կուսակցությանը և անձամբ վարչապետին,
3. ներկա իշխանությունները քարոզարշավի ընթացքում ստիպված են լինելու բացահայտել՝ ՍԴ-ի նկատմամբ իրենց կողմից իրականացված այս աննախադեպ ճնշումների և ավիրող արշավի կազմակերպման իրական մոտիվացիան և նպատակները:
Շարքը կարելի է շարունակել... Մեր պետությունը բոլորիս պաշտպանության ու հոգածության կարիքն ունի, և դրա հնարավորությունն առկա է»: