Սպիտակ տան մոտակայքում ձերբակալվել է երիտասարդ, որը սպառնացել էր սպանել ԱՄՆ նախագահ Դոնալդ Թրամփին
ԱՄՆ-ում՝ Սպիտակ տան մոտակայքում, իրավապահները ձերբակալել են մի ամերիկացու, որը սպառնում էր սպանել երկրի նախագահ Դոնալդ Թրամփին: Այս մասին հաղորդում է The Washington Post-ը՝ հղում տալով Կոլումբիայի շրջանի ոստիկանության հաշվետվությանը:
Պարզվել է, որ նախօրեին Ռոջեր Հեջփեթ անունով ԱՄՆ 25-ամյա քաղաքացին մտադիր է եղել հարձակում գործել Թրամփի նկատմամբ: Նա իրավապահներին պատմել է, որ իր մոտ սառը զենք է եղել, որով էլ ինքը մտադիր է եղել սպանել Թրամփին:
Ամերիկյան գաղտնի ծառայությունում Հեջփեթին նկարագրել են որպես «ծայրահեղ կորած» երիտասարդ, որը հոգեբույժի հսկողության տակ է:Հեջփեթն այժմ ձերբակալված է: Խուզարկության ժամանակ իր մոտ հայտնաբերել են 9մմ սայրով դանակ, ինչպես նաև ատրճանակի դատարկ պատյան: