Ծայրահեղ մտահոգիչ են մամուլի ազատության, քաղաքական քննադատության դեմ սկսված աննախադեպ ռեպրեսիաները. Արսեն Բաբայանը՝ Նարեկ Սամսոնյանին որպես մեղադրյալ ներգրավելու մասին
Իրավապաշտպան Արսեն Բաբայանը ֆեյսբուքյան գրառում է արել, որում նշում է, որում, անդրադառնալով «Քաղաքացիական գիտակցություն» ՀԿ նախագահ Նարեկ Սամսոնյանին որպես մեղադրյալ ներգրավելուն, նշում է, որ ծայրահեղ մտահոգիչ է համարում մամուլի ազատության դեմ սկսված ռեպրեսիաները։
«Հենց նոր տեղեկացա, որ ՀՔԾ-ն Նարեկ Սամսոնյանին որպես ՄԵՂԱԴՐՅԱԼ վաղը 13:00-ին կանչել է հարցաքննության:
Սամսոնյանը, ըստ ՀՔԾ ծանուցագրի, մեղադրվում է սուտ մատնություն կատարելու համար:
Դուք հասկանո՞ւմ եք ուր է հասել իրավապահների բեսպրեդելը: Դուք հասկանո՞ւմ եք, որ լրատվամիջոցի դեմ սա աններելի ոտնձգություն է:
Ծայրահեղ մտահոգիչ եմ համարում մամուլի ազատության, քաղաքական քննադատության դեմ սկսված և շարունակվող անհավանական ու աննախադեպ չափերի հասնող ռեպրեսիաները, որ իրականացվում է քաղաքական իշխանության կողմից»,– ասվում է գրառման մեջ: