«Բորուսիա»-ում Կլոպն ինձ 50 եվրո էր վճարում մարզման ընթացքում 10 գոլ խփելու համար. Լևանդովսկի
Մյունխենի «Բավարիայի» հարձակվող Ռոբերտ Լևանդովսկին պատմել է իր և Յուրգեն Կլոպի մասին մի հետաքրքիր դեպք, երբ հանդես էր գալիս «Բորուսիա» Դորտմունդում։
«Ես մարզման ժամանակ հարվածներ կատարում եմ։ Երբեմն մտածում եմ, թե ինչիս է պետք։ Բայց ո՛չ, դա այդպես չէ։ Եթե դու մարզումներին լավ ես հարվածում, խաղերի ժամանակ ավելի հեշտ կլինի։
Դորտմունդում մենք պայմանավորվածություններ ունեինք։ Եթե ես 10 գոլ էի խփում մարզման ժամանակ, Կլոպն ինձ 50 եվրո էր վճարում։ Առաջին մարզումներին ես երեք-չորս գոլ էի խփում։ Հետո ավելացրի՝ հասցնելով 10-ի։
Մի քանի շաբաթից Կլոպը եկավ ու ասաց ինձ` «բավական է»,- լեհ հարձակվողի խոսքերն է մեջբերում The Guardian-ը։