Ֆրանսիայում դանակով զինված տղամարդը հարձակվել է անցորդների վրա
Ֆրանսիական Ռոման-սյուր-Իզեր քաղաքում դանակով զինված տղամարդը հարձակվել է անցորդների վրա: Այս մասին հայտնում է Корреспондент-ը՝ հղում անելով ֆրանսիական Le Monde-ին:
Հարձակման հետևանքով 2 մարդ է մահացել, ևս հինգը տարբեր աստիճանի վիրավորումներ են ստացել: Տուժածներից երկուսի վիճակը ծանր է:
Ոստիկանությունը ձերբակալել է հարձակումն իրականացրած տղամարդուն: Չարագործն իրավապահներին ներկայացել է որպես փախստական Սուդանից:
Ֆրանսիայի նախագահ Էմանուել Մակրոնը ցավակցություն է հայտնել հարձակման հետևանքով զոհվածների ընտանիքներին և տուժածներին: