Մեծ Բրիտանիայում կորոնավիրուսից մահացածների թիվը գերազանցել է 16 000-ը, իսկ վարակվածներինը՝ 120 000-ը
Մեծ Բրիտանիայում վերջին մեկ օրվա ընթացքում կորոնավիրուսով պայմանավորված հիվանդությունից մահացել է 596 մարդ: Այս մասին հայտնում է The Guardian-ը՝ վկայակոչելով Առողջապահության և սոցիալական խնամքի հարցերով գերատեսչությանը:
Համաճարակի բռնկման պահից ի վեր երկրում 16 060 մարդ է մահացել կորոնավիրուսի հետևանքով, թեև այս տվյալն արտացոլում է միայն հիվանդանոցներում գրանցված մահվան դեպքերը:
Երկրում, ընդհանուր առնամբ, 372 967 թեստ է անցկացվել, որոնցից 120 067-ի պատասխանը դրական է եղել:
Հիշեցնենք, որ Մեծ Բրիտանիայի թագուհի Էլիզաբեթ Երկրորդը որոշել է 68 տարվա մեջ առաջին անգամ այս տարի չեղարկել իր ծննդյան տարեդարձի առթիվ հնչող հրացանազարկերը, իսկ հունիսի կեսերին նշվող պաշտոնական արարողության ժամանակ չանցկացնել ավանդական զինվորական շքերթը: Թագունի ապրիլի 21-ին կդառնա 94 տարեկան: