Ռուս մասնագետը նշել է, թե որ դեպքում է կորոնավիրուսի դեմ իմունիտետ ձևավորվում
ՌԴ բժշկական գիտությունների դոկտոր Անտոն Երշովը հայտարարել է, որ կորոնավիրուսի նկատմամբ իմունիտետի ձևավորումը կախված է օրգանիզմից: РИА Новости-ի փոխանցմամբ՝ մասնագետն այս մասին խոսել է «Россия 24» հեռուստաալիքի եթերում:
Մասնագետը նշել է, որ իմունիտետ զարգացնելու համար մարդ պետք է նվազագույն քանակով խրոնիկ հիվանդություններ ունենա, առավել կատարյալ պարագայում՝ դրանք ընդհանրապես չպետք է լինեն:
«Նման մարդիկ ավելի մեծ հավանականություն կունենա նորմալ իմունային պաշտպանություն ձևավորելու»,- ասել է բժիշկը:
Նա հավելել է, որ կորոնավիրուսով կրկին կարող են վարակվել իմունային անբավարարություն ունեցող մարդիկ:
Վերջին տվյալների համաձայն՝ ողջ աշխարհում կորոնավիրուսով վարակվել է 4 313 030 մարդ, մահացել՝ ավելի քան 291 հազարը: Ռուսաստանում վարակման 232 243 դեպք է գրանցվել, մահվան՝ 2116: