Նոր վարչապետ ընտրելու մասին Միքայել Մինասյանի կոչը իսկապես լուծում է, քանի որ վարչապետը պարալիզացնում է Կառավարության գործունեությունը. Հրանտ Մելիք-Շահնազարյան
Նոր վարչապետ ընտրելու մասին «Իմ քայլը» խմբակցության պատգամավորներին և իշխանական ողջ թիմին Սուրբ Աթոռում ՀՀ նախկին դեսպան Միքայել Մինասյանի կոչը իսկապես լուծում է, որը կարելի է կիրառել կորանավիրուսային այս համաճարակը հաղթահարելու համար:
Այս մասին Tert.am-ի հետ զրույցում ասաց քաղաքագետ Հրանտ Մելիք-Շահնազարյանը՝ անդրադառնալով Սուրբ Աթոռում ՀՀ նախկինդեսպան Միքայել Մինասյանի հայտարարությանը, որով նա առաջարկում է ժամ առաջ հեռացնել վարչապետ Նիկոլ Փաշինյանին ու իշխող թիմից ընտրել նոր վարչապետ:
«Բոլորս տեսնում ենք, որ վարչապետը զբաղված է միանգամայն այլ խնդիրներով, և նաև լարվածություն է առաջացնում ոչ միայն հասարակության ներսում, այլ նաև իշխանության թիմի ներսում՝ պարալիզացնելով Կառավարույթյան գործունեությունը: Դրա ականատեսը մենք անընդհատ ենք լինում և այս իրավիճակում քաղաքական լուրջ զարգացումներից խուսափելու, ժողովրդական դժգոհությունները կանխելու համար լավագույն լուծումը ժամանակավոր ինչ-որ կառավարություն ձևավորելն է, որը կհամախմբի բոլորի կարողությունները. քաղաքական ուժերի ու հասարակական միավորումների մասին է խոսքս»,- ասաց նա:
Ըստ Հրանտ Մելիք-Շահնազարյանի՝ Միքայել Մինասյանի հայտարարությունում առկա մյուս կարևոր ուղերձը վերաբերում է պատասխանատվության խնդրին. «Որովհետև բոլորս տեսնում ենք և բոլորս պետք է գիտակցենք, որ Նիկոլ Փաշինյանին ՀՀ վարչապետի պաշտոնում ընտրել են հենց խորհրդարանի պատգամավորները և «Իմ քայլը» խմբակցությունը, որը մեծամասնություն է: Նրանք են պատասխանատվություն կրելու այդ սխալը ժամանակին չուղղելու և դրանից բխող հետևանքնրի համար: Իսկապես, ժամանակն է, որ այդ պատագամավորները կատարեն իրենց քայլը, իրենք պատասխանատվություն ստանձնեն երկրում ստեղծված իրավիճակի համար, կանխեն ապագա դժվարություները, նույնիսկ կասեի ապագա ողբերգությունը և գնան իրավիճակը փրկելու ճանապարհով»,- նշեց նա:
Քաղաքագետի խոսքով՝ խորհդանաշական է քանդակը, որի լուսանկարը դեսպան Մինասյանը հրապարակել էր իր ֆեյսբուքյան գրառմանը կից, այն կոչվում է «Քայլող մարդը 2» և կարծես թե կոչ է անում, որ իրական քայլ կատարեն, երկրորդ այդ շանսը քայլելու, ճիշտ քայլ կատարելու իրենց այդ շանսն օգտագործեն: «Ես նույնպես վստահ եմ, որ հանրությունն այսօր պատրաստ է աջակցել նման զարգացումներին, այդ քայլին պատրաստ է աջակցել անգամ քաղաքական ընդդիմությունը, որովհետև խնդիրը վերաբերում է բոլորիս անվտանգությանը և Հայաստանի ապագային»,- եզրափակեց նա: