Ռեալի վերադարձն ու Զիդանի հույսը․ ֆրանսիացին մեծ սպասումներ ունի
Իսպանական ֆուտբոլի վերադարձը առավել քան մոտ է։ Նախնական որոշմամբ՝ Լա լիգան վերսկսվելու է հունիսի 12-ից։
Մադրիդի «Ռեալը» մայիսի 11-ից վերսկսել է մարզումները։ «Բլանկոսները» նախապատրաստվում են մրցաշրջանի վերսկսմանը։
Իսպանական AS պարբերականը գրում է, որ «Ռեալի» գլխավոր մարզիչ Զինեդին Զիդանը հույս ունի, որ Մարկո Ասենսիոյի և Էդեն Ազարի վերադարձից հետո «արքայական» ակումբի գոլեր խփելու ցուցանիշը կբարելավվի։
Զիդանը նաև սպասումներ ունի Վինիսիուսից, Ռոդրիգոյից ու Բրահիմից։ Ֆրանսիացի մասնագետը հույս ունի, որ նրանք ևս կբարելավեն իրենց խաղը։ Նաև նշվում է, որ Զիդանը օգտագործելու է իր տրամադրության տակ եղած բոլոր ֆուտբոլիստներին։