Դենիս Ռոդմանը մեկնաբանել է իր վաղեմի բարեկամ Կիմ Չեն Ընի «անհետացման» մասին լուրերը (տեսանյութ)
Ամերիկացի նախկին ֆասկետբոլիստ Դենիս Ռոդմանը մեկնաբանել է Հյուսիսային Կորեայի առաջնորդ Կիմ Չեն Ընի մահվան մասին լուրերը:
Ինչպես հայտնում է Daily Star-ը, Ռոդմանը հյուսիսկորեացի ղեկավարի անհետացման վերաբերյալ իր կարծիքը հայտնել է «Բարի լույս, Բրիտանիա» հաղորդման շրջանակներում, որին միացել էր տեսազանգի միջոցով և զրուցել հաղորդավար Պիրս Մորգանի հետ:
Ռոդմանը, որը Կիմ Չեն Ընի վաղեմի բարեկամն է, տարօրինակ է համարում, որ երկիրը ղեկավարում է քաղաքական գործչի քույրը: «Ես պահում եմ կապը Հյուսիսային Կորեայի հետ: Ինչ կարող եմ ասել. եթե տեսնում ես, որ երկիրը ղեկավարում է նրա քույրը, նշանակում է, ինչ-որ բան այն չէ: Նա հաջորդն է հերթում»,- ասել է մարզիկը:
Կիմ Չեն Ընի առոջղական վիճակի հնարավոր վատթարացման և անգամ մահվան մասին լուրեր սկսեցին պտտվել ապրիլի կեսերից, երբ վերջինս բավականին երկար ժամանակ չէր երևացել հանրության շրջանում: Այնուհետև մայիսի 1-ին համացանցում լուսանկարներ հրապարակվեցին վերջինիս մասնակցությամբ՝ գործարանի բացման միջոցառումից: Սակայն այս օրվանից ի վեր դարձյալ նրան չեն տեսել հանրության առաջ ելույթ ունենալիս:
Տեսանյութը կարող եք դիտել այստեղ: