Փաստաբանների պալատը Տիգրան Աթանեսյանի տան վրա կատարված հարձակման առնչությամբ հայտարարություն է տարածել
ՀՀ փաստաբանների պալատը հայտարարություն է տարածել փաստաբան Տիգրան Աթանեսյանի բնակարանի վրա հարձակման վերաբերյալ:
Հայտարարությունում նշվում է. «Համացանցում գործող զանգվածային լրատվության միջոցների հրապարակումների համաձայն երեկ` ցերեկը 16:00-ի սահմաններում, հարձակում է տեղի ունեցել փաստաբան Տիգրան Աթանեսյանի բնակարանի վրա:
Ըստ նույն աղբյուրների` հարձակումը կապված է Տիգրան Աթանեսյանի փաստաբանական գործունեության հետ:
Փաստաբանների պալատը դատապարտում է փաստաբանի մասնագիտական գործունեության հետ կապված վիրավորանքի, սպառնալիքի և բռնության ցանկացած դրսևորում՝ ակնկալելով իրավապահ մարմինների պատշաճ ուշադրությունը և ակտիվ գործողությունները նշված դեպքի առնչությամբ»:
The post Փաստաբանների պալատը Տիգրան Աթանեսյանի տան վրա կատարված հարձակման առնչությամբ հայտարարություն է տարածել appeared first on ԳԱԼԱ.