Քաջարանի միջադեպի հետևանքով ձերբակալված չորս անձանցից երեքն ազատ են արձակվել
Փաստաբան Վարդուհի Էլբակյանն «Ազատությանը» փոխանցեց՝ այսօր արդեն դատարանը 3-ի ձերբակալությունը որակել է ոչ իրավաչափ և ազատ արձակել նրանց։ Ձերբակալված Մարատ Ստեփանյանը, Լևոն Համբարձումյանը և Խորեն Միրզոյանն արդեն ազատության մեջ են։ Իսկ Աշոտ Պապյանի վերաբերյալ դատարանը դեռևս որոշում չի կայացրել։
Փաստաբան Վարդուհի Էլբակյանն ասաց՝ երեկ ձերբակալված Լևոն Համբարձումյանն իրեն փոխանցել է, որ ոստիկանները բերման են ենթարկել կոշտ մեթոդներով։ Մյուս երկու ձերբակալվածները, ըստ փաստաբանների, պնդել են, որ ոստիկանությունում իրենց բռնության չեն ենթարկել։
Առավել մանրամասն` այստեղ