ԱՄՆ-ն վերջին 9 տարվա ընթացքում ռեկորդային քանակությամբ ռուսական նավթ է գնել
Ռուսական նավթ տեղափոխող 10 լցանավ հունիսին կժամանեն Միացյալ Նահանգների ափերի մոտ: Այս մասին գրում է EADaily-ն՝ նշելով, որ վերջին անգամ նման ծավալի փոխադրում Ատլանտյան օվկիանոսով տեղի է ունեցել 2011թ. հունիսին:
Marinetraffic պորտալի տվյալներով՝ Clio նավն արդեն ժամանել է Հյուսթոն, Aristea և Navig8 Precision նավերը մոտենում են Մեքսիկական ծոցին, իսկ մյուսները դեռ նոր-նոր են ուղևորվում Եվրոպա: Ընդհանուր առմամբ, ճանապարհը դեպի Ամերիկա տևում է 3 շաբաթ, նախատեսվում է, որ վերջին լցանավն ԱՄՆ կհասնի հունիսի 26-ին:
Բոլոր տաս նավերը, որոնք ռուսական նավթ են տեղափոխում ԱՄՆ, կարող են մինչև 900 000 բարել նավթ տեղավորել: Այդպիսով, հունիսի վերջին ԱՄՆ կհասնի առնվազն 9 մլն բարել նավթ:
Ինչպես նշվում է ռուսական նավթը մրցակից չէ ամերիկյանին, քանի որ միջին և ծանր տեսակ է իրենից ներկայացնում, որոնք անհրաժեշտ են ամերիկյան նավթավերամշակող ընկերություններին բենզինի և այլ նավթամթերքի արտադրության համար: Ամերիկյան ընկերություններն, ակնհայտորեն, օգտվել են ռուսական նավթի խիստ ցածր գներից: Urals ապրանքանիշի նավթի մեկ բարելի գինը մայիսի սկզբին նվազել էր 10 դոլարից: