Իրեն երկրի նախագահ համարողին որևէ կերպ մտահոգե՞ց այն փաստը, որ երկրի երեք ուժային կառույցների ղեկավար կազմերում միաժամանակ տեղի ունեցան այսօրվա փոփոխությունները. Կարեն Բեքարյան
Վերլուծաբան Կարեն Բեքարյանը ֆեյսբուքյան իր էջում անդրադարձել է ՀՀ ուժային կառույցների ղեկավարների՝ այսօր տեղի ունեցած փոփոխությանը և նախագահ Արմեն Սարգսյանի կողմից վարչապետ Նիկոլ Փաշինյանի համապատասխան որոշումների հաստատմանը:
«Իրեն երկրի նախագահ համարողին որևէ կերպ հուզե՞ց, մտահոգե՞ց այն փաստը, որ երկրի երեք ուժային կառույցների ղեկավար կազմերում միաժամանակ տեղի ունեցան այսօրվա փոփոխությունները:
Եթե չհուզեց, ի՞նչ կապ ունի այդ մարդը Հայաստանի հետ: Եթե հուզեց, ի՞նչ ձևով դա արտահայտվեց: Անգամ հարկ չհամարեց հանդիպել վարչապետին, խոսել այդ թեմաներով, փորձել փարատել իր և երկրի քաղաքացիների մտահոգությունները:
Իսկ կարո՞ղ է չի հավատում, որ վարչապետն առողջացել է, և վախենում է վարակվել: Բայց այդ դեպքում էլ կարող էր շփվել այն ձևաչափով, ինչպես, օրինակ՝ շփվում էր Հայաստանում Չինաստանի դեսպանի հետ:
Կարո՞ղ է արդեն հրաժարական է տվել, կամ՝ ինքն էլ է պահանջում վարչապետի հրաժարականը... զուսպ և լուռ... երևի՝ հեռուներից…»,- գրել է Բեքարյանը: