Գանգուր փետուրներներով աղավնիներ. այս ցեղատեսակի թռչուններն ամենապահանջվածն են «գեղեցկության մրցույթներում» (լուսանկարներ)
Աղավնիների սիրահարների և պահողների շրջանում ամենապահանջված տեսակներից մեկը Frillback կոչվող ցեղատեսակն է, որը յուրահատուկ է ինչպես իր համեմատաբար հանգիստ բնավորության, այնպես էլ ինքնատիպ գանգուր փետուրների շնորհիվ:
Աղավնիների այս արտասովոր տեսակին անդրադարձել է Oddity Central-ը՝ հայտնելով, որ դրանք ի հայտ են եկել Փոքր Ասիայում: Այս ցեղատեսակը բազմաթիվ տարիների ընթացքում հատուկ բուծման արդյունքն է:
Մյուս տեսակներից չափսերով փոքր ինչ ավելի մեծ աղավնիները ներկայանում են յուրահատուկ գանգուր փետուրներով թևերի, ինչպես նաև թաթերի հատվածում, երկար պոչով: Իհարկե, այս տեսակի ներկայացուցիչները աղավնիների գեղեցկության մրցույթների ամենահայտնի մասնակիցներն են:
Թեև շատերի մոտ կարող է տպավորություն ստեղծվել, որ այս թռչունները դժվարությամբ են թռչում, դա այդպես չէ: Նշվում է, որ նրանք նույնքան գեղեցիկ պտույտներ են գործում օդում, ինչպես իրենց արտաքինն է: