«Նապոլին» հետխաղյա հարվածաշարում հաղթեց «Յուվենթուսին» ու 6-րդ անգամ նվաճեց Իտալիայի գավաթը
Ֆուտբոլի Իտալիայի գավաթի խաղարկության եզրափակիչում միմյանց դեմ մրցում էին «Նապոլին» և «Յուվենթուսը»։
Հանդիպման հիմնական ժամանակն ավարտվեց 0-0 հաշվով։ Հարկ է նշել, որ թուրինյան ակումբի 42-ամյա դարպասապահը մի քանի անգամ փրկեց իր թիմին վերահաս գոլից։ Խաղը տեղափոխվեց հետխաղյա 11-մետրանոց հարվածաշարի։
Սակայն հետխաղյա հարվածաշարում ավելի դիպուկ էին Ջենարո Գատուզոյի սաները։ «Յուվենթուսի» առաջին երկու հարվածները կատարեցին Պաուլո Դիբալան ու Դանիլոն։ Երկուսն էլ վրիպեցին նշակետից։ Այս հարվածները վճռորոշ եղան։
«Նապոլին» 4-2 հաշվով հաղթեց մրցակցին հետխաղյա հարվածաշարում։ Դիպուկ հարվածեցին Մերտենսը, Պոլիտանոն, Մաքսիմովիչն ու Միլիկը։