ԱՊԼ-ում կորոնավիրուսի նոր դեպք է հաստատվել
Անգլիայի Պրեմիեր լիգայի մամուլի ծառայությունը հաղորդում է, որ ակումբները կորոնավիրուսի հերթական թեստերն են հանձնել, որոնց պատասխանները հայտնի են։
Հունիսի 17-ից 21-ը ֆուտբոլիստները անցել են թեստավորման 10-րդ էտապը։ Այս օրերի ընթացքում թեստավորվել է 1829 մարդ, որոնց թվում են ֆուտբոլիստներ, ակումբի աշխատակիցներ։
Անցկացված թեստերից միայն մեկն է դրական եղել։ Թե որ ակումբի աշխատակցի կամ էլ ֆուտբոլիստի մոտ է հաստատվել Covid-19, չի հաղորդվում։
Ավելի վաղ խոսակցություններ կային, որ ԱՊԼ-ի վերսկսումից առաջ դրական էր եղել «Արսենալի» ֆուտբոլիստներից մեկի թեստի պատասխանը։