Իրանը փոխհատուցում է պահանջում ԱՄՆ-ից միջուկային գործարքից դուրս գալու համար
ԱՄՆ-ն պետք է պատասանատվության ենթարկվի միջազգային հանրության կողմից և ամբողջությամբ փոխհատուցի Գործողությունների համատեղ համապարփակ ծրագրից դուրս գալու հետևանքով Իրանին պատճառած վնասը:
ТАСС գործակալության փոխանցմամբ՝ այս մասին հայտարարել է Իրանի ԱԳ նախարար Մոհամմադ Ջավադ Զարիֆը՝ ելույթ ունենալով ՄԱԿ-ի Անվտանգության խորհրդի՝ իրանական միջուկային գործարքի հարցով նիստում, որն անցկացվել է տեսակապի միջոցով:
«Միջազգային հանրությունը պետք է պատասխանատվության ենթարկի Միացյալ Նահանգներին սխալ գործողությունների պատճառով»,- ասել է Զարիֆը՝ հավելելով, որ «ԱՄՆ-ի միակողմանի և անօրինական դուրս գալը պայմանագրից և պատժամիջոցների կրկնակի սահմանումը հետևանքների է հանգեցնում՝ ըստ ՄԱԿ-ի ԱԽ 2231 բանաձևի»:
Զարիֆը շեշտել է, որ ԱՄՆ-ն պետք է ամբողջությամբ փոխհատուցի Իրանի ժողովրդին պատճառած վնասի համար: