Սահմանները գծվել էին ի վնաս հայ ժողովրդի, այն պայմանով, որ Թուրքիան մեկընդմիշտ կհրաժարվի պանթուրքիզմի գաղափարից․ Ա․ Ղուկասյան
«Թուրքիան վարում է արտաքին ագրեսիվ քաղաքականություն։ Ներկայումս Թուրքիան բազմաթիվ խնդիրներ ունի իր հարևան պետությունների՝ Հունաստանի, Եգիպտոսի, Սիրիայի հետ»,- ԳԱԼԱ-ի հետ զրույցում նման կարծիք հայտնեց քաղաքագետ Անդրիաս Ղուկասյանը՝ անդրադառնալով Թուրքիայի հայտարարություններին։ Քաղաքագետի խոսքերով՝ Սիրիայում Թուրքիան աջակցում է ժամանակավոր կառավարությանը, իսկ ընդդիմությունը չի ընդունում Սիրիայի և Թուրքիայի միջև գործող համաձայնագրերը, այդ թվում և այն պայմանագրերը, որով բաժանվում …
The post Սահմանները գծվել էին ի վնաս հայ ժողովրդի, այն պայմանով, որ Թուրքիան մեկընդմիշտ կհրաժարվի պանթուրքիզմի գաղափարից․ Ա․ Ղուկասյան appeared first on ԳԱԼԱ.
«Թուրքիան վարում է արտաքին ագրեսիվ քաղաքականություն։ Ներկայումս Թուրքիան բազմաթիվ խնդիրներ ունի իր հարևան պետությունների՝ Հունաստանի, Եգիպտոսի, Սիրիայի հետ»,- ԳԱԼԱ-ի հետ զրույցում նման կարծիք հայտնեց քաղաքագետ Անդրիաս Ղուկասյանը՝ անդրադառնալով Թուրքիայի հայտարարություններին։
Քաղաքագետի խոսքերով՝ Սիրիայում Թուրքիան աջակցում է ժամանակավոր կառավարությանը, իսկ ընդդիմությունը չի ընդունում Սիրիայի և Թուրքիայի միջև գործող համաձայնագրերը, այդ թվում և այն պայմանագրերը, որով բաժանվում է Միջերկրական ծովի հատակը։
«Միջերկրական ծովում հայտնաբերվել է նավթ, երկաթ, և Թուրքիան ակտիվ պայքար է տանում, որ իր բաժինը այդ պաշարներից ունենա։ Թուրքիայի շահերը հակասում են Ռուսաստանի շահերին և Սիրիայում բարիկադների տարբեր կողմերում են գտնվում»,- հայտարարեց Ղուկասյանը։
«Այս սրացումը, որ տեղի ունեցավ հայ-ադրբեջանական հարաբերություններում, տեսանք, որ Թուրքիան խրախուսում է Ադրբեջանի ագրեսիվ պահվածքը։ Թուրքիայի այդ դիրքորոշումը հավանաբար պայմանավորված է ընդհանուր լարվածությամբ, որը այսօր առկա է։
Հայաստանը Ռուսաստանին դաշնակից պետություն է, և Թուրքիան այդպիսով փորձում է ազդել ոչ միայն Հայաստանի վրա, այլ նաև Ռուսաստանի»,- նշեց նա։
Անդրադառնալով Էրդողանի այն հայտարարությանը, որ իրենք պետք է շարունակեն իրենց պապերի կիսատ թողած գործը, Անդրիաս Ղուկասյանը հայտարարեց.
«Շատ վտանգավոր հայտարարություն էր դա, և եթե դա է Թուրքիայի դիրքորոշումը, ապա այն կարող է բերել նրան, որ տարածաշրջանում հարյուր տարի առաջ կնքված սահմանների վերաբերյալ պայմանագրերը մեզ համար կորցնեն իրենց քաղաքական նշանակությունը։ Այդ սահմանները գծվել էին ի վնաս հայ ժողովրդի, այն պայմանով, որ Թուրքիան մեկընդմիշտ կհրաժարվի իրենց պապերի գործողությունները շարունակելուց (պանթուրքիզմի գաղափարը)»։
Քաղաքագետը, անդրադառնալով վերջերս տեղի ունեցած Լավրով-Չավուշօղլի զրույցին, ընդգծեց.
«Թուրքիայի հայտարարությունները դուրս էին գալիս հնարավոր սահմանների շրջանակից, և դրա համար Ռուսաստանը արձագանքեց այդ պահվածքին և հավանաբար Թուրքիայից պահանջեց զսպվածություն և որևէ կերպ չսադրել հայ-ադրբեջանական սահմանին լարվածության ավելացմանը։ Ռուս-թուրքական հարաբերությունները այսօր տնտեսական ոլորտում անկում են գրանցում։ Անցյալ տարի այս ժամանակահատվածում Ռուսաստանը հանդիսանում էր Թուրքիայի գազի առաջատար մատակարարը։ Ներկա պահի դրությամբ Թուրքիայի գազի առաջատար մատակարարը Ադրբեջանն է։ Ռուսաստանի և Թուրքիայի միջև գազատարներից մեկը այս պահին չի գործում, և սա վկայում է, որ տնտեսական համագործակցությունը մեծ նշանակություն ունի Թուրքիայի լարվածությունը մեղմելու համար։ Թուրքիայում ներքին խնդիրներ էլ կան։ Ռուսաստանը փորձում է Թուրքիայի արտաքին հարաբերություններում սահմանագծել սահմաններն այնպես, որ Թուրքիայի հետ շահերի բախում չառաջանա։
Քաղաքագետի կարծիքով՝ Ադրբեջանը այն պետությունն է, որը ոչ միայն Հայաստանի դեմ է ագրեսիվ գործողություններ դրսևորում, նաև այլ պետությունների հանդեպ էլ է անում այդպիսի քայլեր։
«Տեսնում ենք սադրիչ կոչեր, որոնք էլ պատճառ են դառնում ազգամիջյան բախումների տարբեր երկրներում։ Ադրբեջանի կողմից արվածը այլ երկրների դեմ ուղղված գործողություն է, որ պատասխան և գնահատական կստանա»,- եզրափակեց Անդրիաս Ղուկասյանը։
The post Սահմանները գծվել էին ի վնաս հայ ժողովրդի, այն պայմանով, որ Թուրքիան մեկընդմիշտ կհրաժարվի պանթուրքիզմի գաղափարից․ Ա․ Ղուկասյան appeared first on ԳԱԼԱ.