Գլխավոր դատախզությունից Նաիրա Զոհրաբյանին կոչ են անում ձեռնպահ մնալ պատգամավորներին թիրախավորելու պատրանք ստեղծելու գործելակերպից
Գլխավոր դատախազի խորհրդական Գոռ Աբրահամյանը իր ֆեյսբուքյան էջում արձագանքել է ԱԺ պատգամավոր Նաիրա Զոհրաբյանի այն հայտարարությանը, թե գլխավոր դատախազը փաստեր է փնտրում իրեն կալանավորելու համար։ «ԱԺ պատգամավոր Նաիրա Զոհրաբյանն արդեն երկրորդ օրն է՝ շարունակաբար միտումնավոր սխալ տեղեկատվություն է հրամցնում հանրությանն առ այն, թե իբր ՀՀ գլխավոր դատախազը «հրահանգ» է ստացել ցանկացած գնով ձեռք բերել հիմնավորումներ՝ […]
The post Գլխավոր դատախզությունից Նաիրա Զոհրաբյանին կոչ են անում ձեռնպահ մնալ պատգամավորներին թիրախավորելու պատրանք ստեղծելու գործելակերպից appeared first on MediaLab Newsroom-Laboratory.
Գլխավոր դատախազի խորհրդական Գոռ Աբրահամյանը իր ֆեյսբուքյան էջում արձագանքել է ԱԺ պատգամավոր Նաիրա Զոհրաբյանի այն հայտարարությանը, թե գլխավոր դատախազը փաստեր է փնտրում իրեն կալանավորելու համար։
«ԱԺ պատգամավոր Նաիրա Զոհրաբյանն արդեն երկրորդ օրն է՝ շարունակաբար միտումնավոր սխալ տեղեկատվություն է հրամցնում հանրությանն առ այն, թե իբր ՀՀ գլխավոր դատախազը «հրահանգ» է ստացել ցանկացած գնով ձեռք բերել հիմնավորումներ՝ ԱԺ ԲՀԿ խմբակցության պատգամավոր Գևորգ Պետրոսյանի, խմբակցության այլ անդամների անձեռնմխելությունից զրկելու միջնորդություններով ՀՀ Ազգային Ժողովին դիմելու համար:
Քանի որ տիկին Զզոհրաբյանը առիթը բաց չի թողնում այս ապատեղեկատվութունը անհիմն կերպով շարունակաբար կրկնել, ստիպված ենք հիշեցնել, որ նախ՝ ՀՀ գլխավոր դատախազն ի պաշտոնե հիմնավորումներ ու ապացույցներ գտնող չէ և ի տարբերություն տարատեսակ գրավոր հանձնառություններով իրենց կաշկանդող անձանց՝ հրահանգներով, հանձնարարություններով չի առաջնորդվում և իր գործառույթներն իրացնում է՝ հիմնվելով բացառապես Սահմանադրությամբ և օրենքով իրեն վերապահված լիազորությունների, իսկ քրեական վարույթների շրջանակներում՝ նաև քրեադատավարական ընթացակարգերի և ապացույցների, փաստական տվյալների համակցված ամբողջականության գնահատման հիման վրա:
Կոչ ենք անում ձեռնպահ մնալ պատգամավորներին թիրախավորելու պատրանք ստեղծելու, դա քաղաքական նպատակներին ծառայեցնելու գործելակերպից, մնալ ողջախոհության սահմաններում և դրսևորել իրավաչափ վարքագիծ»:
The post Գլխավոր դատախզությունից Նաիրա Զոհրաբյանին կոչ են անում ձեռնպահ մնալ պատգամավորներին թիրախավորելու պատրանք ստեղծելու գործելակերպից appeared first on MediaLab Newsroom-Laboratory.