«Նիկոլ Փաշինյանն այդ փաստաթուղթը ստորագրել է խոր ընկճվածության պահին՝ իրավիճակը համարժեք չգնահատելով. սա դեպի նոր պատերազմ տանող համաձայնագիր է». Ն. Դիլբարյան
«Վարչապետը միանձնյա որոշում է կայացրել՝ դուրս գալ ԵԱՀԿ Մինսկի խմբի համանախագահների ֆորմատից և միայն Ռուսաստանի հետ (Ռուսաստանն էլ իր հետ բերել է Թուրքիային) կնքել այս եռակողմ համաձայնագիրը: Ես կարծում եմ, որ դա պարզապես ինչ-որ համաձայնության թուղթ է՝ ամրագրված այս երեք անձանց կողմից, որը բացարձակապես անընդունելի է, իր գրեթե բոլոր կետերով»,- այս մասին ԳԱԼԱ-ի հետ զրույցում …
The post «Նիկոլ Փաշինյանն այդ փաստաթուղթը ստորագրել է խոր ընկճվածության պահին՝ իրավիճակը համարժեք չգնահատելով. սա դեպի նոր պատերազմ տանող համաձայնագիր է». Ն. Դիլբարյան appeared first on ԳԱԼԱ.
«Վարչապետը միանձնյա որոշում է կայացրել՝ դուրս գալ ԵԱՀԿ Մինսկի խմբի համանախագահների ֆորմատից և միայն Ռուսաստանի հետ (Ռուսաստանն էլ իր հետ բերել է Թուրքիային) կնքել այս եռակողմ համաձայնագիրը: Ես կարծում եմ, որ դա պարզապես ինչ-որ համաձայնության թուղթ է՝ ամրագրված այս երեք անձանց կողմից, որը բացարձակապես անընդունելի է, իր գրեթե բոլոր կետերով»,- այս մասին ԳԱԼԱ-ի հետ զրույցում հայտարարեց «Ժառանգություն» կուսակցության նախագահ Նարինե Դիլբարյանը՝ անդրադառնալով ՀՀ վարչապետ Նիկոլ Փաշինյանի կողմից ստորագրված եռակողմ հայտարարությանը:
Նարինե Դիլբարյանի կարծիքով՝ Նիկոլ Փաշինյանն այդ փաստաթուղթը ստորագրել է խոր ընկճվածության պահին՝ իրավիճակը համարժեք չգնահատելով, եւ սա դեպի նոր պատերազմ տանող համաձայնագիր է:
«Վարչապետը չի խորհրդակցել Հայաստանի օրենսդրական, սահմանադրական մնացյալ մյուս ինստիտուտների հետ:
Ուստի՝ լիարժեք հնարավորություն ունենք այդ համաձայնության եռակողմ փաստաթուղթը չեղարկելու, բայց ոչ թե չեղարկելու, որ պատերազմը շարունակենք, այլ որպեսզի կարողանանք պարտություններից դուրս գալ քիչ թե շատ հայանպաստ դիրքով: Այստեղ կարևորն այն է, որ Հայաստանին ոչ ոք պատերազմ չէր հայտարարել, սակայն մենք Մեղրիով միջանցք տվեցինք, Մեղրիով ճանապարհներ, երկաթգիծ, որով անխափան պետք է տեղաշարժվեն Թուրքիա-Նախիջևան-Ադրբեջան ճանապարհով, և այդ ճանապարհը Հայաստանի վերահսկողության ներքո չէ, այն վերահսկվելու է Ռուսաստանի հատուկ ծառայությունների ուժերով:
Ցավոտ փոխզիջումները վերածվեցին չբացատրվող զիջումների, և ժողովրդին դարձյալ փորձում են մոլորության մեջ գցել, թե իբրև իրենք կանխել են ավելի վատ պատերազմը: Վարչապետը չկարողացավ դիմակայել իր վրա գործադրված ճնշումներին, անհասկանալի պատճառներով դուրս եկավ ԵԱՀԿ Մինսկի խմբի ֆորմատից»,- ընդգծեց Դիլբարյանը:
Նրա խոսքերով՝ վարչապետը ոչ մի բացատրություն չի ներկայացնում, բացի մեղադրանքներից, կիրառում է նաև բռնության մեխանիզմ բոլոր ընդդիմադիրների հանդեպ.
«Բոլոր այն մեղադրանքները, որոնք հնչում են, թե ովքեր ուզում են չեղարկել այս փաստաթուղթը, պատերազմ են ուզում, պիտի ասեմ, որ մենք բոլորովին պատերազմ չենք ուզում, այլ ուզում ենք շեշտել մի իրողություն, որ ստորագրված կետերը բացարձակապես կատարման ենթակա չեն՝ ո՛չ տեխնիկապես, ո՛չ մնացյալ առումներով։
Դատարկել Քարվաճառը կարճ ժամանակահատվածում. այնտեղ մարդիկ ունեցվածք ունեն և ընդհանրապես վիրավորներ, հիվանդներ կան, տեխնիկապես դա անգամ անհնար է։ Այսինքն, ի՞նչ է մտածել Նիկոլ Փաշինյանը՝ ստորագրելով այդ թղթի ներքո, երևի հայտնի է միայն անհասկանալի ուժերին: Փոխանակ բացատրելու, թե ինչու է դա արել, մեզ մատուցում է հերթական առասպելները, իբրև թե դա արել է մեզ փրկելու համար, Արցախի ճանաչման համար է արել դա: Բոլորը մեղավոր են և իրենց դրսևորել են ոչ պատշաճ, այսինքն՝ ակներևաբար առկա է իշխանության կաթվածահար բնույթ»,- շարունակեց «Ժառանգություն» կուսակցության նախագահը:
«Մենք 2 օր է առաջարկում ենք խորհրդարանի կողմից համատեղ արտահերթ նիստ հրավիրել, որի օրակարգում կարող էր լինել մեկ հարց՝ չեղարկել այս փաստաթուղթը, որից հետո դիմում ենք ՍԴ, և ՍԴ-ն այն համարում էր չեղարկված, և մենք սկսում էինք բանակցություններ։ Մեր կուսակցությունը համոզված է, որ հանրապետության նախագահը կարող է ստանձնել այդ առաքելությունը՝ սկսել բանակցություններ և դուրս բերել Մեղրիին վերաբերող կետը, պարզել, թե այդ ինչու մենք պետք է դուրս գանք Քարվաճառից: Բացի դրանից՝ ժամկետները պետք է լիակատար փոփոխության ենթարկվեն: Այդ ո՞ւմ հիվանդ ուղեղի երևակայության մեջ է գծվել այս ծրագիրը: Ես համոզված եմ, որ դա թուրքերի գծած ծրագիրն է»,- ընդգծեց նա:
Դիլբարյանի խոսքով՝ Մեղրիին վերաբերող կետը ընդհանրապես ոչ մի տրամաբանության չի ենթարկվում.
«Ես ցավով ուզում եմ նշել, որ երբ հոկտեմբերի 27-ը տեղի ունեցավ, շատերը հենց խոսում էին այն մասին, որ Վազգեն Սարգսյանը դեմ էր այդ ծրագրին՝ Մեղրիով ճանապարհ տալ, այսինքն՝ ստեղծել թուրքական միավորում. Թուրքիա-Նախիջևան-Ադրբեջան: Այսօր Ռուսաստանն անհասկանալի պատճառներով, իմ կարծիքով, նույնիսկ հակասելով իր շահերին և այս համաձայնությունը կորզելուց հետո (Փաշինյանին ստիպել է այդ համաձայնագիրը ստորագրել) նրանք Թուրքիայի հետ միասին ստորագրեցին հուշագիր, ըստ որի՝ ստեղծում են ռուս-թուրքական հրադադարի հսկման կենտրոն և Պեսկովի, Լավրովի, Զախարովայի միջոցով փորձում են համոզել, թե թուրք խաղաղապահները չեն տեղակայվելու Արցախում, այլ տեղակայվելու են Ադրբեջանում: Ակնթարթորեն համաձայնագիրը ուժի մեջ չմտած՝ Քարվաճառն արդեն Ադրբեջան է, ամեն ինչ Ադրբեջան է, և մենք ոչինչ չունենք։ Դրանք ակնհայտ հակասում են պայմանավորվածության անգամ այն կետերին, որոնք ստորագրված են»,- հայտարարեց Դիլբարյանը:
Ըստ նրա՝ պատերազմի ժամանակ մարդկանց չեն մոբիլիզացրել և այսօր ուզում են ասել, որ մենակ ենք թողել 18-20 տարեկան երեխաներին.
«Այդ մենք չենք մենակ թողել այդ երեխաներին, այլ քաղաքական իշխանությունն է մենակ թողել»,- եզրափակեց «Ժառանգություն» կուսակցության նախագահը:
Անահիտ Չալիկյան
The post «Նիկոլ Փաշինյանն այդ փաստաթուղթը ստորագրել է խոր ընկճվածության պահին՝ իրավիճակը համարժեք չգնահատելով. սա դեպի նոր պատերազմ տանող համաձայնագիր է». Ն. Դիլբարյան appeared first on ԳԱԼԱ.