Աֆրիկայի հարավում ռեկորդային ցրտեր են գրանցվել
Անցյալ գիշեր նվազագույն ջերմաստիճանի ռեկորդներ են գրանցվել Հարավաֆրիկյան Հանրապետությունում, որտեղ այժմ ձմեռ է: Այս մասին հայտնում է ՏԱՍՍ գործակալությունը՝ հղում անելով տեղի աղբյուրներին:
Հուլիսի 24-ի գիշերը երկրի 19 շրջանում գերազանցվել են ամենացածր ջերմաստիճանի պատմական ռեկորդային ցուցանիշները: Քիմբերլի քաղաքում և հարակից շրջաններում ցուրտը հասել է -9.9 աստիճանի՝ ըստ Ցելսիուսի: Մասնագետների փոխանցմամբ՝ նման ցուրտ այս շրջանում չի գրանցվել օդերևութաբանական ուսումնասիրությունների ողջ պատմության ընթացքում:
Յոհանեսբուրգում ջերմաստիճանը նվազել է մինչև -7 աստիճանի: Նախորդ ռեկորդային ջերմաստիճանը՝ -6.3 աստիճան, այս քաղաքում գրանցվել էր 1995 թվականի հուլիսի 19-ին:
Աղբյուրի հաղորդմամբ՝ երկար տարիների ընթացքում առաջին անգամ ՀԱՀ-ում ձյուն է տեղացել: Որոշ շրջաններում երեխաներն ու դեռահասներն առաջին անգամ են ձյուն տեսնում: Մերկասառույցի պատճառով բազմաթիվ ճանապարհներ փակ են: