Հարգում ենք Ուկրաինայի տարածքային ամբողջականություն, կշարունակենք օգնություն ցուցաբերել ուկրաինացի ժողովրդին. Ալիևը շնորհավորել է Զելենսկուն
Ադրբեջանի նախագահ Իլհամ Ալիևը շնորհավորական նամակ է հղել Ուկրաինայի նախագահ Վլադիմիր Զելենսկիին՝ ազգային տոնի՝ Անկախության օրվա առթիվ, գրում է minval.az-ը:
Ալիևը նշել է, որ առաջնորդվելով միջազգային իրավունքի նորմերով և սկզբունքներով, ՄԱԿ-ի կանոնադրությամբ՝ Ադրբեջանը հարգում է պետությունների, այդ թվում՝ Ուկրաինայի տարածքային ամբողջականությունն ու ինքնիշխանությունը:
«Մենք կշարունակենք օգնություն ցուցաբերել ուկրաինացի ժողովրդին հումանիտար հարցերում»,- հավելել է Ալիևը։