Առաջիկա օրերին ԵՄ-ն կկազմի Ռուսաստանի նկատմամբ նոր պատժամիջոցների փաթեթը
Եվրոպական միությունն առաջիկա օրերին կկազմի Ռուսաստանի նկատմամբ նոր պատժամիջոցների փաթեթը, և Ֆրանսիան հուսով է, որ այն արագ կընդունվի:
Այդ մասին Ֆրանսիայի խորհրդարանի ստորին պալատում՝ Ազգային ժողովում, ասել է Ֆրանսիայի արտաքին գործերի նախարար Կատրին Կոլոննան:
«Ֆրանսիան ցանկանում է արագ ընդունել պատժամիջոցների նոր եվրոպական փաթեթը: Առաջիկա օրերին այդ աշխատանքը կավարտվի».- ասել է նախարարը:
Նրա փոխանցմամբ, Ֆրանսիան և Եվրամիությունը Ռուսաստանը հանդեպ վարում են «աննախադեպ կոշտ սանկցիոն քաղաքականություն»:
Եվրամիության կողմից պատժամիջոցների են ենթարկվել Ռուսաստանում 1200 ֆիզիկական անձ և ավելի քան 100 ընկերություն:
«Պատժամիջոցների նպատակն է առավելագույն ճնշում բանեցնել և Ռուսաստանին զրկել հակամարտությունը շրունակելու հնարավորությունից»,- ասել է Կատրին Կոլոննան և ավելացրել, թե «մյուս կողմից, ոչ Ֆրանսիան և ոչ էլ Մեծ 7-ի որևէ այլ երկիր պատերազմի մեջ չեն Ռուսաստանի հետ»: