Մեծ Բրիտանիայի վարչապետը խոստովանել է, որ հիփոթեք ունի
Մեծ Բրիտանիայի վարչապետ Լիզ Թրասը Sky News-ի լրագրող Բեթ Ռիգբիին տված հարցազրույցում պատմել է, որ Միացյալ Թագավորության մյուս քաղաքացիների պես ինքը ևս հիփոթեք ունի:
Ինչպես գրում է Daily Mail-ը, Թրասի օրոք հիփոթեքային տոկոսադրույքները բարձրացել են գրեթե մի ամբողջ տոկոսային կետով:
Լրագրողը վարչապետին հարցրել է՝ արդյոք երկրի ղեկավարը հիփոթեք ունի:
«Այո»,-պատասխանել է Թրասը:
«Իսկ Դուք նորից գրավադրելու խնդիր ունե՞ք»,- հետաքրքրվել է լրագրողը։
«Դե, ես..., - ասել է Թրասը, անհարմար զգացումից դրդված, ծիծաղելով,-ես, այսինքն՝ հիփոթեք ունեմ, այո, ունեմ»։
«Ձեզ այս մասին հարցնելու պատճառն այն է, որ շատ մարդիկ բախվում են տոկոսադրույքների բարձրացմանը, և եթե Դուք ստիպված լինեք վերագրավադրում անել փոփոխական տոկոսադրույքով, կարող եք հարյուրավոր ֆունտ ստեռլինգ լրացուցիչ ծախսեր ունենալ: Այսպիսով, ես պարզապես հարցնում եմ՝ արդյոք սա մի բա՞ն է, որի մասին Դուք որպես վարչապետ պետք է մտածեք», - ասել է լրագրողը:
Թրուսը, խուսափելով հարցից, ասել է, որ հասկանում է մարդկանց անհանգստությունը կապված տոկոսադրույքների հետ, բայց դրանք սահմանել է Անգլիայի բանկը, ոչ թե քաղաքական գործիչները: