Բորիս Ջոնսոնը դրամահավաք է նախաձեռնել Ուկրաինայի համար
Մեծ Բրիտանիայի նախկին վարչապետ Բորիս Ջոնսոնը նախաձեռնել է հանրահավաք, որի միջոցով պետք է դեղամիջոցներ ձեռք բերվեն Ուկրաինայի համար:
The Guardian պարբերականի փոխանցմամբ, նախկին վարչապետն իր կոչը հրապարակել է մոտեցող սուրբծննդյան տոներին ընդառաջ:
Այդ ժամանակաշրջանում երկրում տեղի են ունենում քաղաքական ու հանրային անվանի մարդկանց և սպորտի ու շոուբիզնեսի աստղերի մասնակցությամբ բազմաթիվ բարեգործական միջոռումներ:
«Բրիտանացիները հայտնի են իրենց առատաձեռնությամբ և մեծահոգությամբ և այդ ունակությունները դրսևորում են նույնիսկ երբ գալիս են դժվար ժամանակներ, ուստի կոչ եմ անում՝ այս Սուրբ Ծնունդին ձեռքներդ գրպաններդ տարեք»,- ասել նախլին վարչապետը:
Նրա փոխանցմամբ, հավաքվելիք գումարով ձեռք կբերվեն դեղամիջոցներ և բժշկական սարքավորումներ, որոնք կուղարկվեն Ուկրաինա:
Նվիրատվությունները կփոխանցվեն Circle Health հիմնադրամի, որը նախկինում մեկ անգամ արդեն հավաքել է ավելի քան 3 միլիոն ֆունտ ստերլինգ Ուկրաինայի համար: