Կոստառիկացիները խառնում են E խմբի խաղաքարտերը․ Ճապոնիան անակնկալ պարտություն կրեց
Կայացավ ԱԱ-2022-ի խմբային փուլի Ճապոնիա-Կոստա Ռիկա հանդիպումը։ Թիմերն ընդգրկված են E խմբում։
Հանդիպման և՜ առաջին, և՜ երկրորդ խաղակեսերն անցան ասիական թիմի առավելությամբ, սակայն ճապոնացիների գրոհներն այս խաղում արդյունավետ ավարտի չհասան։
Իսկ ահա հանդիպման 80-րդ րոպեին կոստառիկացիների կազմում Ֆուլլերը դարձավ գոլի հեղինակ:
Այսպիսով, Ճապոնիայի հավաքականը գերմանացիների նկատմամբ տարած սենսացիոն հաղթանակից հետո այս խաղում պարտվում է և երկու խաղերի արդյունքնով իր ակտիվում ունի 3 միավոր։
Կոստառիկացիները, որոնք առաջին խաղում 7 գնդակի տարբերությամբ պարտվել էին Իսպանիային, վաստակեցին իրենց առաջին միավորները մրցաշարում։
Այժմ Կոստա-Ռիկան, Իսպանիան և Ճապոնիան ունեն երեքական միավոր, իսկ գերմանացիները՝ 0։ Այսօր ժամը 23։00-ին կհանդիպեն Իսպանիայի ու Գերմանիայի գավաքականները։