Ադրբեջան-Ալբանիա. էներգետիկան, «բարեկամությունն» Իրանի դեմ և Իսրայելի ստվերը. Vpoanalytics
Նոյեմբերի 15-ին Ալիևն ընդգծված բարեկամական մթնոլորտում պաշտոնական այցով եղել է Ալբանիայում, ինչն ուշագրավ է միանգամից մի քանի հանգամանքների կապակցությամբ, որոնց վրա ուշադրություն են դարձնում, այդ թվում՝ նաև իշխանամետ մեկնաբանները: Այսպես, CBS.az-ը հիշեցնում է Տրանսադրիատիկ գազատարի (TAP) նախագծին Տիրանայի մասնակցության մասին, որի շինարարությունն ավարտվեց 2020-ի դեկտեմբերին, երբ Կասպից ծովի արևմտյան ափերից «կապույտ վառելիքը» սկսեց հոսել դեպի Եվրոպայի հարավ։ TAP-ի ընդհանուր երկարությունը կազմում է 878 կիլոմետր, որից 215-ն անցնում է Ալբանիայի տարածքով։