Զելենսկին պատժամիջոցներ է կիրառել Սիմոնյանի, Կիսելյովի և 117 այլ անձանց նկատմամբ
Ուկրաինայի նախագահ Վլադիմիր Զելենսկին շաբաթ օրը հրամանագիր է ստորագրել, համաձայն որի՝ երկրի իշխանությունները պատժամիջոցներ են կիրառել RT հեռուստաալիքի գլխավոր խմբագիր Մարգարիտա Սիմոնյանի, «Россия Сегодня» լրատվական գործակալության գլխավոր տնօրեն Դմիտրի Կիսելյովի և ևս 117 այլ անձանց նկատմամբ։
Սիմոնյանից և Կիսելյովից բացի, պատժամիջոցների ենթարկվածների ցանկում են նաև ռեժիսոր Նիկիտա Միխալկովը, երգիչ Ֆիլիպ Կիրկորովը, օպերային երգչուհի Աննա Նետրեբկոն, արտիստ Եվգենի Պետրոսյանը, փիլիսոփա Ալեքսանդր Դուգինը, երգիչ Սերգեյ Լազարևը։
Պատժամիջոցները, ի թիվս այլ բաների, ներառում են հաշիվների արգելափակում, տնտեսական և ֆինանսական պարտավորությունների կասեցում, մշակութային փոխանակումների և համագործակցության դադարեցում, Ուկրաինա մուտքի արգելում, ուկրաինական պետական պարգևներից զրկում և այլն։ Այս սահմանափակումները պետք է ուժի մեջ լինեն 10 տարի: