Էրդողանը Հունաստանին կոչ է արել հրաժարվել Էգեյան ծովում «հակաթուրքական» ծրագրերից
Թուրքիայի նախագահ Էրդողանը հայտարարել է, որ Հունաստանը պետք է հրաժարվի Էգեյան ծովում «հակաթուրքական» ծրագրերից, և նշել, որ Անկարան նպատակ չի ունեցել հրթիռներով հարվածել Աթենքին։
«Հունաստանը պետք է դադարի տարածաշրջանում, այդ թվում՝ Էգեյան ծովում Թուրքիայի իրավունքներին ու շահերին ոտնահարելու փորձերը: Քանի դեռ մեզ չեն վնասել, մենք վնաս չենք հասցնի»,- ասել է Թուրքիայի նախագահը։
Մեկնաբանելով հունական լրատվամիջոցների հաղորդագրությունները թուրքական «Թայֆուն» հրթիռների սպառնալիքի մասին՝ Էրդողանը հիշեցրել է, որ վերջին փորձարկումների ժամանակ այս մոդիֆիկացիայի հրթիռները ճշգրիտ խոցել են թիրախը 561 կիլոմետր հեռավորության վրա։
«Հունական լրատվամիջոցները սկսել են անհանգստությամբ գրել թայֆունի հեռահարության մասին՝ պնդելով, որ Անկարան կարող է հարվածել Աթենքին։ Մենք նման նպատակ չունենք։ Պատասխան քայլերը կարող են հետևել միայն այն դեպքում, եթե վտանգվեն Թուրքիայի շահերը»,- ընդգծել է Էրդողանը։