Հոլանդն ԱՊԼ-ում հեթ-տրիկների քանակով գերազանցել է Ռոնալդուին և հավասարվել Սալահին
Էրլինգ Հոլանդը Պրեմիեր լիգայում հեթ-տրիկների քանակով շրջանցել է Կրիշտիանու Ռոնալդուին։
«Մանչեսթեր Սիթի»-ի հարձակվողը 21-րդ տուրում 3 գոլի հեղինակ է դարձել «Վուլվերհեմփթոն»-ի հետ խաղում, հայտնում է Armsport-ը։
Ընդհանուր առմամբ, նորվեգացին ԱՊԼ-ում անցկացրած 19 խաղում 4 հեթ-տրիկ է գրանցել, իսկ «Մանչեսթեր Յունայթեդ»-ում հանդես եկած Ռոնալդուն՝ 3։
Հոլանդը Անգլիայի Պրեմիեր լիգայում հեթ-տրիկների քանակով հավասարվել է «Լիվերպուլ»-ի հարձակվող Մոհամեդ Սալահին։
Բացի այդ, նորվեգացին ամենաարագն է դարձել 4 հեթ-տրիկի հեղինակ։ Նրանից պահանջվել է ընդամենը 19 հանդիպումը։ Նախկինում լավագույն ցուցանիշը պատկանում էր «Մանչեսթեր Յունայթեդ»-ի հոլանդացի հարձակվող Ռուդ վան Նիստելռոյին, որը 4 հեթ-տրիկ էր գրանցել 65 խաղում։