Մարտիմեկյան արյունալի իրադարձությունների 15-րդ տարելիցն է
Այսօր լրանում է մարտիմեկյան արյունալի իրադարձությունների 15-րդ տարին։
2008 թվականի մարտի 1-ին վաղ առավոտյան ոստիկանները հարձակվեցին Երևանի Ազատության հրապարակում գիշերող ընդդիմադիր ցուցարարների վրա, ովքեր իրենց բողոքն էին հայտնում նախագահական ընտրությունների պաշտոնական արդյունքների դեմ:
Նույն օրն ավելի ուշ Ալեքսանդր Մյասնիկյանի արձանին հարող հրապարակում և դրա մերձակայքում ցուցարարների և ուժայինների միջև սկիզբ առած բախումների հետևանքով տասը մարդ զոհվեց, հարյուրավոր մարդիկ վիրավորվեցին:
Մարտի 1-ի սպանություններից 15 տարի անց էլ 10 զոհերից և ոչ մեկի սպանությունը դեռ բացահայտված չէ։
Թեև վարչապետ Նիկոլ Փաշինյանը դեռ հինգ տարի առաջ հայտարարել էր, թե «Մարտի 1-ի» գործն, ըստ էության, ամբողջ ծավալով բացահայտված է», սակայն մինչ օրս հաղորդվել է սպանության համար մեղադրվող մեկ նախկին բարձրաստիճան ոստիկանի մասին։