Օրենբուրգում հղի կինը ծննդաբերությունից առաջ սրտի կաթված և կլինիկական մահ է տարել
Օրենբուրգի շրջանային կլինիկական հիվանդանոցի սրտային վիրաբույժները փրկել են հղի կնոջ և պտղի կյանքը. կնոջ սիրտը հանկարծակի կանգ է առել, հայտնում է բուժհաստատության մամուլի ծառայությունը։
Ինչպես մանրամասնում է gazeta.ru-ն, Օրենբուրգի բնակչուհին բուժման նպատակով պերինատալ կենտրոնում էր. հղիության 37-րդ շաբաթում նա հանկարծակի սուր ցավ է զգացել սրտի շրջանում, կնոջը զննել են սրտաբանները և հայտնաբերել սրտի կաթվածի նշաններ։ Որոշվել է հիվանդին անհապաղ հոսպիտալացնել Օրենբուրգի շրջանային կլինիկական հիվանդանոցում:
Հղի կնոջը շտապօգնության մեքենայով բերել են հիվանդանոց, որի մուտքի մոտ նրա սիրտը հանկարծակի կանգ է առել: Այնուհետև կինը կլինիկական մահ է տարել:
Վերակենդանացման բաժանմունքի բժիշկները պայքարել են կնոջ կյանքի համար, իրավիճակը բարդացել է զարկերակում թրոմբի առկայությամբ, անհրաժեշտ է եղել շտապ վիրաբուժական միջամտություն։ Վիրահատությունը բարեհաջող է անցել, բժիշկներին հաջողվել է փրկել կնոջը և պտղին:
Մի քանի օր անց կինը ծննդաբերել է, երեխան առողջ է ծնվել. երկուսն էլ արդեն դուրս են գրվել հիվանդանոցից։